رسالة لكل زوجه وزوج 👇 الطبطبة مش عيب ..الكلمة الحلوة مش بتنفخ .. الإهتمام مش محتاج مجهود و لا فلوس كتير ..بلاش نقف لبعض على الواحدة ...أحسنوا النوايا ..التفاصيل بتفرق و الإهتمام بيها بيصنع المعجزات ..أقوي حب بيموت بالإهمال وعدم الإحترام ..العشرة الطيبة ممكن تبقي أقوي في حبها من الرومانسية غير الناضجة ..الحب مش بالكلام و بس .. أكبر من كده بكتير ..نجاح أي علاقة محتاج مجهود من الطرفين ..الشكوي من عيوب شريك حياتك الدايم هيزهقه حتي لو معاك الحق ..بلاش مقارنات ..بلاش الدماغ الناشفة و إن شريك حياتك يزهق من النقاش معاك ..الست الذكية هي اللي عارفه ازاي تكسب جوزها ..الرجل الذكي هو اللي فاهم طبيعة الأنثي ..الغلط بيجيب غلط أكبر منه.. الإحترام أهم حاجة ..كبّروا دماغكوا ..امدح في مراتك قدام الناس ..اللي مبيعجبوش العجب ده أكتر نوع مزعج في الجواز ..الرجل و الست بيكملوا دور بعض مفيش حد فيكم دوره مش مهم ..مراتك شايلة كتير أوي أوي .. ساعدها قد ما تقدر ..جوزك طالع عينه في الشغل .. قدّري تعبه ..النكد بيحول أي بيت لمكان يسد النفس ..كلمة تسلم إيدك مش صعبة ..كلمة ربنا يخليك لينا مش صعبة ..الولاد مسئوليتكم سوا من الألف للياء ..اسمعها حتي لو كلامها تافه بالنسبالك .. {هو مش تافه على فكرة} ..اديله مساحته ..لما بتخنقي الراجل بيبقي قرفان أكتر و مش طايق عيشته ..خليكم شيك دايما في اللبس وفي التعامل في البيت.. هتفرق معاكم اوي..احترموا بعض ..دلعو بعض ..مش عيب و لا حرام !!هزروا سوا .. بلاش غلاسة ..اللي زعلان ميشلش جواه .. الفضفضة بتجيب من الآخر ..بلاش أنانية و إن في طرف مستني كل حاجة من التاني ..مفيش حد ملاك بس في ناس بتغلط و بتعتذر و بتحسن من نفسها ..بلاش دور الضحية .. ممل جدا ..التفاهم مهم أوي .. اتكلموا كتير ..متخليش شريك حياتك يقفل منك و يجيب آخره و أنت مصمم إنك تفضل زي ما أنت و خلاص عشان السكة دي اخرتها مش حلوة .. افتكروا لبعض الحلو بلاش سواد ..بلاش ضربة البوز .. قولو اللي مزعلكو علطول ..متناموش متخانقين ..كتر الزعل بيعمل فجوة بين أي اتنين و بالوقت بيبقي ده العادي !!اتغيروا عشان بعض في اللي تقدروا عليه و تقبلوا الاختلافات اللي بينكم ..قدًمو السبت عشان تلاقو الحد و الاتنين و كل أيام الأسبوع .. اخر نقطة واهم نقطة مفيش علاقة ناجحة مش مرتبطة بالله .. اربطوا علاقتكم.بالله ويكون ليكم اوردة مشتركة .. احنا مش في حرب ..✋
نسخ الرابط
7 
1 
نسخ الرابط
يمكن لأعضاء المجتمع فقط مشاركة المنشورات 
تم إنشاؤها في 15 Apr 2024 بواسطة ezzat2025@ 
عزت محمد قائد المجتمع 
تم نسخ الرابط بنجاح
نسخ الرابط